Foro del Club Riazor: Salidas BTT, Marchas y Competiciones, Mercadillo, etc...

Xa temos, na volta da esquina, a rota dos veciños do CCCambre. Algúns de nós xa andivemos catando camiños, e estaba claro polas rodadas, que non fomos os únicos... moito adestramento fai o personal.

Na saída de hoxe xa quedou unha grupeta convocada para o Roteiro:

CONVOCADOS:

-Alberto

-Toni

-Jolin

-Luis1906 (que ven de prestado pois fareille eu a incripción)

Lóxicamente o orden da lista vai en relación a dos tramos a facer cada un... léase LARGO, MEDIANO e CURTO...

Hola, eu tamen teño pensado asistir, por suposto o recorrido medio, a continuacion vou afacer a inscripcion.

Si saides algun dia de esta semana vos acompaño.

CONVOCADOS:

-Alberto

-Toni

-Jolin

-Luis1906

-fenoco

CONVOCADOS:

-Alberto

-Toni

-Jolin

-Luis1906

-fenoco

-Manuel

E no listado do CCCambre aparecen tamén inscritos como Riazores:

-Jesús Ausin

-Santiago Besteiro

-Ricardo Fdez.

-Fernando Mariño

Polo que si aparecemos todos hasta igual podemos competir por ser o clube máis numeroso (sería un milagro, jejejeje)

Tambien vamos edu y el menda  ,pues nada ,si estamo todos los que son y los que estan ,en total 12  ,no esta nada  mal ,venga  que se vea el amarillo del riazor el domingo

Pois si que éramos unha boa tropa, aínda que na foto incial non nos xuntamos todos, de tódolos xeitos algún non levaba a roupa do clube polo que a identificación é máis difícil.

Da rota era o que agardávamos, os pros dando caña para entrar no maratón, a grupeta do medio no que quedamos incluido o non facer Luis1906 de lebre como o tíñamos contratado, e logo o grupo dos tranquilos detrás.

Os da rota de 50 qm libramos da molladura final, ainda que no Xalo, tamen collimos algunha pingueira,

Felicitar ó CCCambre pola organización e as variantes novas que sempre son un aliciente e o único pero foi o lonxe que estaba o avituallamento do Xalo, baixamos co buche baleiro, iso si, ben ventilados.

Os que chegaron ó Maratón deron caña logo do erro inicial que obrigou a moitos a dalo todo, entre eles Alberto do Riazor que foi raro que nos tivera que adiantar e por enriba aguantar o cachondeo e logo o chaparrón...  solo faltou que nos volvera pasar a volta do maratón pois os da cabeza xa nos pasaron por diante, pero finalmente non lle vimos pelo nin na comida posterior.

Tony acompañounos na rota e Manuel, contento polo ben que acabou, na comida. Por certo non levou o trofeo de máis idade, por cuestión de meses, e ahí está escalando o Xalo como calquera.

Un saúdo.

Fotos, poucas que íbamos con presa:

https://picasaweb.google.com/108807593216652791519/7RoteiroBTTTerraDasMarinasCambreACoruna#

Saín da casa como cando ía ás brevet, en dirección ó Burgo, pero desta vez ata Cambre. O ano pasado non acabara a Maratón, un motorista non me deixou pasar no último cruce e quedeime sen poder completala. Este ano quería facela completa pero tiña as miñas dúbidas. Na saída comenteino con Alberto: “non sei se serei capaz de chegar ó corte do Qm. 39, hai que facer unha media de 13 Qm/h e coa subida ó Xalo polo medio…”, e Alberto contestoume: “faise ben, a subida dura é a do Xalo, as demáis son levadeiras. Pero claro tes que saír mentalizado de que o vas conseguir, se xa saes con dúbidas…”

Dito e feito saqueime as dúbidas de encima e púxenme a confianza de que ía poder completar a Maratón.

A saída foi bastante tumultuosa, todos querían ir cara adiante e non podía ser, o camiño non daba para máis. O traxecto ata Celas encantoume pero non tiven moito tempo de disfrutalo, ía centrado no tema da media, cheguei a Celas cunha media de que pasaba de 15. Pero o Xalo é moito Xalo, e inda por enriba deume a impresión de que o subía dúas veces. No alto pegaba ben o vento e comezaba a chover por momentos. Non quixen nin mirar a media, supuxen que baixaría moito e había que xogala na baixada, a tope e sen miramentos, o que pasa é que se acabou enseguida. Pasamos por varios ríos, ó mellor era o mesmo, non o sei, por carreiros preciosos que tiraban para arriba ata o infinito e máis alá. Acordeime de Alberto varias veces con estas subidas levadeiras. Como nos controis non me dixeron nada supuxen que todo ía ben e encarei os últimos quilómetros moi xustiño de forzas e chovendo xa en toda regra. Os carreiros e camiños puxéronse moi perigosos, sobre todo baixando, en zonas de raíces e pedras, polo que houbo que andar con moito coidado. Ó final íamos un grupo de catro e imaxínome que pechando a marcha porque detrás viñan os das motos metendo presión. Cheguei pasadas as tres e media, perdidiño, empapado e cheo de barro ata as orellas. xa todos debían estar acabando de comer. Laváronme a bici e a min e marchei para a casa, inda me quedaban nove quilómetros, pero con calma.

Dentro dos Riazores, hainos de "secano" e de "mollado" senon ver as fotos de Cambre:

2 x auga:

1 x auga e 1 x secano:

2 x auga:

1 x auga:

 1 x secano:

jejeje, os demáis non os localicei...